काठमाडौं। उकालो लागेको सुनको मूल्यले बढोत्तरीमा कीर्तिमान बनाइरहेको छ। मंगलबार कारोबार मूल्य प्रति तोला २ लाख ३५ हजार ४ सय रुपैयाँ पुगेको छ। अन्तर्राष्ट्रिय बजारमा सुनको मूल्य बढेर मंगलबार प्रति औंस ३९७६.२८ पुगेको छ। चाँदी प्रति औंस ४८.६ डलर छ। सोमबार सुन प्रति औंस ३६३६.३२ डलर र चाँदी ४८.५४ डलरमा कारोबार भएको थियो। अघिल्लो दिनको भन्दा तोलामा २ हजार ३ सय रुपैयाँ बढेर हालसम्मकै उच्च भएको नेपाल सुनचाँदी व्यवसायी महासंघले जनाएको छ। सोमबार २ हजार ५ सय रुपैयाँले बढ्दा कारोबार मूल्य तोलाको २ लाख ३३ हजार १ सय रुपैयाँ भएको थियो।
